Сценарий общешкольного мероприятия «День знаний»

Автор: Хуснутдинова Людмила Ражаповна

Организация: ФМБОУ СОШ №2 с.Новобелокатай «Нижнеутяшевская ООШ»

Населенный пункт: д.Нижнеутяшево

Белем байрамы

(Сценарий)

Мәктәп тураһында йыр.

Фанфары, алып барыусылар сыға.

1-се алып барыусы Ильнара

Йыйылғандар оло, кесе

Бөгөн – Белем байрамы.

Күңелдә ғилем тупланһа,

Күренер тормош йәме.

2-се алып барыусы Юлиә

Балҡы һин, әй, мәктәбем

Һирпеп ғилем нурҙарын.

Ҡыңғырау сыңдары

Нур итһен йылдарҙы.

1-се алып барыусы Ильнара

- Хөрмәтле уҡытыусылар, ҡәҙерле ата-әсәләр, уҡыусылар һәм беҙҙең байрамдың ҡунаҡтары! Бөгөн беҙҙең илебеҙҙә Белем байрамы! Ошо байрам менән бөтәгеҙҙе лә ихлас ҡотлайбыҙ! Быйылғы уҡыу йылы тик шатлыҡтарҙан ғына торһон!

2-се алып барыусы Юлиә

Яңы укыу йылы башланыуга арналган тантаналы линейка асык тип иглан ителә.

Рәсәй гимны яңғырай. (Алтынай) (Флаг күтәреү)

Башҡортостан Республикаһы гимны яңғырай (Рамазан)

1-се алып барыусы Ильнара

-1 сентябрь һәр йыл һайын Белем иленә иң оҙон юл башлана. Мәктәп - ул һәр кем өсөн серле, шуның өсөн беҙ мәктәпкә яңы белемдәр, яңы асыштар, яңы үрҙәр яуларға киләбеҙ.

2-се алып барыусы Юлиә

-1 сентябрь көнөндә , Белем байрамында , беҙгә изге теләктәрен еткереү өсөн мәктәп мөдире Әхмәткәримова Гөлшат Рафил ҡыҙына һүҙ бирәйек. Рәхим итегеҙ! (Һөйләй)

1-се алып барыусы Ильнара

Кеше ғүмере мәктәп юлы аша

Моңло бер йыр кеүек һуҙыла.

Белем һуҡмаҡтарын яра-яра,

Киләсәккә юлы һуҙыла.

2-се алып барыусы Юлиә

-Ҡотлау өсөн һүҙҙе , ауыл Советы хәкимиәте башлығы Дилмөхәмәтова Розалия Рәйес ҡыҙына бирәбеҙ ! (Һөйләй)

1-се алып барыусы Ильнара

Әй, килә яңы кешеләр,

Юлдарҙы гөлгә күмеп.

Иң кеселәр – беренселәр,

Үҙҙәре гөлдәр кеүек.

2-се алып барыусы Юлиә

Белем иленә юлға сығыр алдынан, изге теләктәрен еткереү өсөн 1 класс уҡыусыларының тәүге уҡытыусылары, Хөснөтдинова Людмила Рәжәп ҡыҙына һүҙ бирелә. Рәхим итегеҙ! (Һөйләй)

1-се алып барыусы Ильнара

-Ә хәҙер , әйҙәгеҙ һүҙҙе, байрамыбыҙҙың оло ҡунаҡтары һәм сәбәбселәре - 1 класс уҡыусыларына бирәйек.

(Музыка аҫтында сығалар. Шиғыр һөйләйҙәр)

 

Наҙгөл: Беҙ мәктәпкә барабыҙ

Хәйерле сәғәттәрҙә.

Эй, мәктәбем, өйрәт беҙҙе

Иң матур ғәҙәттәргә.

Айҙар: Ҡыуанысымды һеҙгә лә,

Әйтәйемсе тәү башта

Уҡырға тип килдем бөгөн

Мин беренсе синыфҡа.

Таһир: Әсәй оҙата маҡтап,

Атай оҙата маҡтап.

Беҙҙе ҡаршылай бөгөн,

Ҡаршылай яҡты мәктәп.

Ләйсән: Тәү ҡат мәктәпкә килдем

Сумка тотоп ҡулыма.

Мәктәп мине ҡаршы алды

Уңыш теләп юлыма.

Эмиль: Мин хәрефтәрҙе беләм

Ләкин уҡый алмайым.

Өйрәтер әле мине

Уҡытыусы апайым.

2-се алып барыусы Юлиә

-Ә хәҙер һүҙҙе мәктәп уҡыусыларына бирәбеҙ.

(Шиғыр һөйләйҙәр)

Уҡыусылар “Уҡытыусыма” йыры башҡарыла

1-се алып барыусы Ильнара

1 класс уҡыусылары! Һеҙгә белем юлына әйҙәүсе тәүге китап – Әлифба бүләк итәбеҙ. Уны ҡәҙерләп уҡығыҙ, ћаҡлағыҙ.

Ә лифба тапшырыу

Уҡыусылар «Мәктәбем” йырын башкаралар

2-се алып барыусы Юлиә

Белем байрамын һәр ата-әсә үҙенсә көтә, өҙгөләнә, әйтерһең дә ул үҙе лә балаһы менән бергә уҡырға бара. Бына бөгөн дә һәр бала шундай матур кейенгән, йөҙҙәрендә шатлыҡ балҡый – был, әлбиттә, ата-әсәләр тырышлығы.

Һеҙгә хөрмәтле ата-әсәләр иҫәнлек-һаулыҡ, яңы уҡыу йылын һеҙҙең менән бергә үтергә яҙһын!

1-се алып барыусы Ильнара

Әйҙәгеҙ әле, йөрәктән сыҡҡан иң ихлас теләктәрегеҙҙе еткерергә ашығығыҙ. Рәхим итегеҙ! Һүҙ һеҙгә! Һүҙҙе 1-се класс уҡыусыларының ата-әсәләренә бирәбеҙ. Рәхим итегеҙ Гүзәлиә Раян ҡыҙы. (Ҡотлай)

 

Бергә: - Рәхмәт һеҙгә, әсәйҙәр,

Рәхмәт һеҙгә, атайҙар!

- Саҡыра, тағы саҡыра

Ҡыңғырау синыфтарға.

Бөгөндән – “Белем көнөнән”

Уҡыу йылын башларға.

2-се алып барыусы Юлиә

Ауылыбыҙ имам-хатибы һәм дә шулай уҡ ветеран уҡытыусылар исеменән һүҙҙе бөтә ғүмерен балаларға төплө белем һәм тәрбиә биреүгә бағышлаған Мурзин Рәүеф Ишбулат улына бирәбеҙ. (Һөйләй)

2-се алып барыусы Ильнара

Хөрмәтле уҡытыусыларыбыҙ! Һеҙҙе бөгөнгө тантаналы байрам – Белем көнө, яңы уҡыу йылы башланыу менән тәбрик итәбеҙ. Һеҙгә түҙемлек, ныҡлы һаулыҡ, уңыштар, тәүфиҡлы һәм тырыш уҡыусылар теләйбеҙ .

(Уҡыусылар сәскәләрен тапшыралар)

1-се алып барыусы Юлиә

Ә хәҙер байрамға, күптән көткән дуҫыбыҙ – ҡыңғырауҙы саҡырайыҡ.

Беренсе ҡыңғырауҙы шылтыратыу хоҡуғы 9 класс уҡыусыһы Хөснөтдинов Исламға һәм 1- се класс уҡыусыһы Мурзина Мәликәгә бирелә.

2-се алып барыусы Ильнара

-Хөрмәтле уҡыусылар, уҡытыусылар! Барығыҙҙы ла яңы уҡыу йылы башланыу менән ҡотлайбыҙ! 1-се класс уҡыусыларын тәүге класс сәғәттәренә кластарына оҙатабыҙ.

Ошоноң менән танталы линейка ябыҡ тип иғлан ителә.

(Барыһы ла инә.)